Treningskamp: Volda - Bergsøy 5-1 - 29.01.2010
20:01Volda vann 5-1 i årets første treningskamp på Volda stadion i kveld. Heimelaget leia 2-0 ved pause. Motstandar Bergsøy fekk sitt trøystemål på overtid i andre omgang.
Bilder frå kampen ligg no ute i fotoalbumet.Lagt inn av av: volda2
(Sist endra av: Volda1 05.02.2010 12:29)
Bilde:
To målscorar Trond BrynestadTreningskamp
Volda stadion.
Tilskodara: 10
Dommar: Jan Erik Bratteberg, Ørsta
Volda - Bergsøy 5-1(2-0)
Mål: 1-0 Rune Haugen(23) 2-0 Trond Brynestad(41) 3-0 Trond Brynestad(72) 4-0 Sjølvmål(75) 5-0 Ole Magne Rotevatn(81) 5-1 Frank Sverre Skorpen(90)
Volda stillte dette laget
Nikolai Brune Engeset, Atle Driveklepp(Petter Aasen 61) Tobias Evebø, Preben Hagen Torvanger, Lars Johan Holsvik, Knut Arne Grimstad, Hans Husøy, Trond Brynestad, Christian Malmo(Obako Andani 68) Ole Magne Rotevatn, Rune Haugen.
Bergsøy er nyopprykka frå 4. divisjon og satsar etter sigande sterkt på fotballen for å få tilbake si gamle storheitstid. Raudtrøyene opna iallefall friskt med høgt og raskt press mot Voldaforsvaret og kunne tatt leiinga berre etter 7 minutt då Knut Arne Grimstad slurva med ei pasning, men Nikolai Engeset var god i dagens kamp og redda lagkompisen frå storflause. Etterkvart kom Volda meir med i kampen og sjølv om Bergsøy fortsatte med sitt høge press hadde grøntrøyene bra kontroll bakover. Nesten 20 minutt var spelt då Ole Magne Rotevatn avanserte fint på venstrekanten. Men innlegget kom litt for langt inn og Bergsøykeeperen fekk tak i ballen. Volda viste gode tendensar og fekk utteljing i det 23. minutt. Corneren frå Lars Johan Holsvik vart ekspedert vidare i mål av Rune Haugen frå kort hald.
11 minutt seinare burde heimelaget ha auka leiinga, men Christian Malmo si avslutning vart redda på streken etter at han runda keeper. Den påfølgjande corneren vart redda på streken etter ei hard heading frå ein god Tobias Evebø. 4 minutt før pause fekk heimelaget likevel målet: Eit glimrande og kjapt angtrep av Volda der Rune Haugen etterkvart kom fri på høgrekanten og lagt inn. Trond Brynestad kom i stor fart og stanga ballen sikkert i mål. Dermed 2-0 til grøntrøyene.
FLEIRE MÅL
Bergsøy starta andreomgang som den første. Med høgt press på Voldaforsvaret. Men heimelaget hadde likevel god kontroll bakover sjølv om kvittrøyene hadde fleire avslutningar enn i første omgang. Men det var Volda som skulle få måla. I det 72. minutt kunne Trond Brynestad legge på til 3-0 då eit frispark vart heada utom 16 meteren. Brynestad plasserte ballen utagbart nede i keeper sitt venstre hjørne. Nok eit fint mål av Voldadebutanten som ser ut til å bli ei klar forsterking på Volda si midtbane.
3 minutt seinare fekk Volda uttelkjing på eit langt Grimstad-innkast då ein Bergsøyforsvarar stussa ballen vidare i eige mål. Og til slutt var det Ole Magne Rotevatn som scora heimelaget sitt siste mål for kvelden, etter at Bergsøy ville ha offside på han. Men vi har sett klarare offsidar før. Volda meinte seg og snytt for endå eit mål då dei meinte at ballen var innom målstreken før 4-0. Istaden vart det Bergsøy som skulle få det siste målet i kampen då Frank Sverre Skorpen (kven andre?) reduserte til 5-1 etter ein glipp på Volda si midtbane. Eit noko unødvendig og irriterande mål på overtid, men alt i alt ei god gjennomkjøring for heimelaget.
Tekst: Kai Tore Myklebust(Volda 2)
Foto: Idar Arne Kristiansen(Volda 1)
Bilde:
Atle Driveklepp
Bilde:
Hans Husøy i duell med Bergsøyspelar Kjetil Paulsen.Tilbake
